طبخه رقم 1..........

[روح الخليج]

بعد السلام والتحية والاحترام.....

طبختنا اليوم مالها اسم لا خليجي ولا عربي:D ولا تلقونها في اي كتاب الا هنا في منتدانا .......

المقادير

لحمه ظأن كتف

اربع حبات بصل

اربع حبات بطاطا
خمس حبات طماطا

2 فلفل بارد اخضر او احمر

بهارات مخلوطه

علبة صلصه

دارسين + مسمار

هيل
لومي عماني مطحون

ملح+ زبدة + زيت زيتون

عبد الباري بلخادج:D مهم جداً

الطريقة

نحضر قدر كبير يكفي الكتف لانها قطعتين يغسل جيداً نودره في الماي الدافئ اي ننقعه لمدة خمس دقائق

نشغل النار نضع القدر على النار نضع شويه بهارت والهيل والدارسين والمسمار ورشة ملح (( عشان الزفرة تروح)

اثناء اللحمة على النار

نقوم بتقطيع الخضروات من طماط وبطاط وبصل والفلفل بشكل دائري

ونحضر صنية الفرن نغلفها بالقصدير ندهنها بالزبدة

نشغل الفرن عشان يحمى (كم درجة ما ادري يختلف من فرن الى فرن)

نشيك على القدر الي فيه لحمة الكتف ما ستوت

ننطف الي وسخناه نعمل كوبين عيش (رز) ننقعه في الماي الدافي

نضع الخضروات في الصنية في الفرن ونرش شوية صلصه

نقفل باب الفرن ننزل اللحمه نصفيها من الماي تمام نبهرها وندهنها بزبده وبصلصه

ننادي عبد الباري عشان يغسل القدر مال اللحمة(( شفتو ان عبدالباري مهم:D ))

نطلع الصنية نضع اللحمة داخل الصنية نرش زيت زتون عشان ما تنحرق ونغلف الصنية بالقصدير ونفتح لها مسامات بالسكين عشان تتهوى من الحر:D

ندخلها ونعلي على الفرن ونعمل 2 كوفي بالحليب اطلع انا النت اكتب الطبخة وعبد الباري يشاهد التلفاز

نشيك على اللحمه اذا مستويه نصلح العيش نثري عاد تعرفون كيف طريقة الرز



مستويه الطبخه الحين نسكر على الفرن


نحط العيش النثري ومن فوقه اللحمه والخضروات المشويه يممممممممميمممممممممم يممممممممممم يممممم

ونرش السمن عليه السمن الي قالت عنه الاخت جوهرة العين:D



وبالهناء والعافيه

تحياتي القلبية................f:

[عبق الورود]

شكلها خوش طبخه ودسمه بعد...بس اقوول عسى الطبخه مضمونه ...الف شكر لك والله يعطيك الف عافيه... :D

[هتون الخليج]

رووووح .... روح ياشيخ ربنا يوفأك:D

...... ماشاء الله .. طبخه دسمه تصلح للعزايم

من عبد الباري الى الحم الى الخضروات الى سمن جوهره ... :D

الى ان توصل الى طاولة الطعام .... لكنك نسيت السلطه

نشوف الفيض :D يمكن عندها سلطه تناسب هذه الوجبة الراهية

ويعطيك العافيه مره ماقصرت

[دانة الخليج]

ماشاء الله شرح دقيق جدا..

يعطيك العافية ..

[الفيض]

ماشاء الله عليك ... روح الخليج ...

طبخة في قصة ... تسلسل مدهش ...

وأجمل شيء التنظيف أول بأول ... الله يكون في عون عبدالباري

هو من ضمن المقادير... ومساعد.... :)

ممكن سؤال : لومي عماني مطحون ... ليش مطحون ...

شكرا لتعاونكم ..

[الفيض]

نسيت السلطة ..... :)

حزمتين من البقدونس ... 2طماطم .. خيار 2 .. ليمون..




نفرم البقونس فرم عادى ... ونقطع الطماطم قطع

صغيرة..والخيار كذلك .. ثم نقوم بخلط الجميع ..مع وضع الليمون عليه

واتمنى أن تضعوا رشة من النعناع عليه .. الجاف طبعا ..

اتمنى أن تنال استحسان عبد البارى ........:)

و ش ك ر ا...

[روح الخليج]

عبق الورود.........
ويا هلاااااااااااااااااااااااااااااااااااااااااااااااا ااااااااااااااااااااا

خوش طبخه:eek:

لا انا اقول مزيانه دابه :D

جربيها وادعيلي .....................

مشكوره يا الشيخه

تحياتي القلبية,,,,,,f:

[روح الخليج]

الحمدلله هتوووون انك قدرتي تفسري اللغز المجهول#ye# #ye#

عبدالباري ينسى كل شي الا السلطه

دا عليه سلطات غريبة وعجيبه:D

تعرفي الفليفله والمطيشه........:)


فلفل اخضر البارد الكبار و طماط. يبهرها ويحمسها على النار الين ما تستوي صالونه

بعدين يحطها في الثلاجه وتنأكل واهي بارده...........

شوفي الذوق ههههههههههههه

اشكر فنّك يا الشيخه

تحياتي القلبية,,,,,,,,,,,,,,,,f:

[روح الخليج]

الاخت دااااااانه الخليج

تواصلك اهو الي جميل زاد الطبخه روعه

حيااااك الله والعافيه لباسك بعون الله دوووووووووووووووم

تحياتي القلبية,,,,,,,,,,,,,,,,,,f:

[روح الخليج]

اهلين برباااااااااااان السواحل

اهم شي النظافه عشان الطبخ ذوق
اما عن تساولك عن اللومي ليش مطحون انتي دقيقه في كل شي:D
مشاءالله عليك

عشان المطحون يطلع نكهة احسن من اللي مش مطحون :D

اقطع ايد عبد الباري لو فهمتي :)


المهم انا سمعت امي واهي تعلم اختي طبخة قالت لها استخدمي لومي مطحون
وانا يوم سمعتها يختي يا الفيض ما كدبتش خبر في كل طبخه ارز لومي عماني

وبلاش احراج هاه:D


مشكوره يا الشيخه على السلطه اي شي فيه سلطه عبد الباري تنال اعجابه

خاصه من ابداعك ,,,,,,,,,,,,,,,,,,,,

وا ل ع ف و ,,,,,,,,,,,,:D

تحياتي القلبية ...........f:

[بنت الاسلام]

اشوفك صرت طباخ مشكور على الروح المرحه #ye# #ye# #ye# f: f: ba:

[جوهرة]

يا سلالالالالام


حرييييف في الطبييخ

ماشاءالله



اقووووووووووول هتوووووووون


شكلج حاطه عينج على سمنا ...


اذا تبين ..بقول حق طباخنا يطرش لج ...لانه هو الي يسويه

[روح الخليج]

الاخت بنت الاسلام

من عام 1997 وانا اطبخ الى ان وصلنا 2002 بدأت اتكاسل

اييييييييييييييه شيبنا خلاص عيالنا بيطبخون وعيال عبد الباري بدالنا

مع العلم عبدالباري مو متزوج حتى انا :D


الله يسلمك اختي وحياااااااااااااااااك الله

تقبلي تحياتي القلبية,,,,,,,,,,,,f:

[روح الخليج]

اختي جوهرة العين اشحالج يا الشيخه

تضحكيني بعض الشي هههههههه:D

انا اريد سمنكم بس كيف تطرشينه بالدي اتشل :)

اشكر فنّك على المديح وترقبي عشاء السبت :D

تحياتي القلبية,,,,,,,,,,,,,f:

[جوهرة]

مرحبا خويي


فالك طيب ..بنطرشه ليش لا


يوم كان اخويه يدرس في امريكا ..كانت امايه اطرش له سمن وعسل وخبز رقاق وسح (تمر) ورطب



يعني يا اخوي متعودين انطرش


:D

[روح الخليج]

مشاءالله أُ خية انتي كريمه ونحن نستاهل ........


سح :D هههههههههههههههههههااااي

الاخت جوهرة العين انتي مطلوبه في قناة ادبي لاجراء معك تحقيق عن التراث .....

لا تتاخري أُخية لان المذيعه في الشرقاوي عندها تصوير في البحرين


حياااااك الله اختي الجوهرة

تقبلي تحياتي القلبية ,,,,,,,,,,,,,f:

[جوهرة]

احم احم



رووح ...الي يباني هو الي اييني


انا ما ارووح عند حد

f: f:

[GULFBOY]

بصراحه كوبين من الاراز مو كافي ارجو تعديل المقدير وهذه نصيحة شخص يعشق انه يطبخ بيده
;)

[روح الخليج]

هههههههههههههاي

جوهرة العين في الشرقاوي الحين سارن عند هتون تخبرها بالكنز المفقود;)
ها فتوووون عرفتي شو الي تدور:)




قلف بوي
مراحب يا الشيخ نعد لك تامر اااامر ................

تابع نمبر 2...............:D

تحياتي القلبية..............f:

[جوهرة]

هتووووووووون


يله شدي الهمه في اجوبه في الشرقاوي

واذا تبين اي مساعده ما عليج الا بطلب جمهور او حذف اجابتين والاتصاب بصدييق اقصد صديقه


وبعطيج رقمي عشاان ادقيلي ...اذا ما عرفتي شي في الترااث

[روح الخليج]

الوووووووه جوهرة العين


الوووووووو منو وياي

الوووووه انا هتووووووووون


الووووووووووووووووووه جوهره

الوووووووووووووووووووووووووووووووووه

الوووووووووووووووووووووووووووه

انئطع الخط :(